هاهوما بداو كيتفضحو.. الصبليون كيعانيو مع إمدادات الكَاز من الجزائر بعدما وقف نظام شنكَريحة الخط اللي دايز من المغرب

قالت صحيفة "أوكي دياريو" الإسبانية، أن الصبليون عاناو من انخفاض كبير فتدفق الكَاز عبر أنبوب "ميدكَاز" اللي كيربط إسبانيا بالجزائر مباشرة.
وقالت الصحيفة، أن الصبليون عاناو من 54 ساعة من انخفاض صبيب الكَاز فاتجاه اسبانيا، ووصل لمستوى متدني غير مسبوق، فالوقت اللي رئيس الحكومة كينكر هادشي تماما وكيقول للشعب بللي ماواقع والو.
وماعمر هاد المشكل وقع لإسبانيا، حتى تقطع خط الكَاز اللي مع المغرب، وكانو الصبليون خايفين مسبقا من ووقوع هاد المشكل، ولكن الجزائر قالت ليهم ماتخافوش أنا عارفة آش كاندير وغانعطيكوم الكَاز وعمرو يتقطع ليكم، ولكن بمرور أسابيع بان مشكل حقيقي وفعز البرد اللي ممكن يخلق مشاكل كثيرة للصبليون.
https://okdiario.com/espana/espana-sufrido-54-horas-restriccion-suministro-gas-desde-argelia-8202317