وزير خارجية إسبانيا: ماعرفناش واش الدزاير غاتسد خط الكَاز اللي دايز من المغرب ولكن وعدونا أنهم غايوصلو لينا الكَاز بلا مشاكل

قال وزير خارجية إسبانيا الجديد، خوسي مانويل ألباريس، فحوار ليه مع جريدة "إل بيريوديكو" الإسبانبة، تعليقا على مشكل إمدادات الكَاز بين الجزائر وبلادو، (قال) بأن مسؤولي الدزاير وعدوه أنه ماغاتكون تا مشاكل فإمدادات الكَاز لإسبانيا.
وردا على سؤال واش غايتسد خط الكَاز اللي دايز على المغرب؟ قال الوزير الإسبانيا أن السلطات الجزائرية ماتاخدات حتى قرار لحدود الساعة، وأن هادشي غايبان نهار 31 اكتوبر الجاي ملي غاتسالي مدة العقد الثلاثي بين المغرب والجزائر وإسبانيا.
وأضاف أن الجزائر خدامة كتوسع خط الكَاز الثاني ووعدات الإسبان أنه ماغايكون حتى مشكل بتاتا في الإمدادات، بالإضافة إلى أنه يمكن نقل الكَاز المسال بطرق أخرى، حسب تعبيره.
https://www.elperiodico.com/es/politica/20211011/jose-manuel-albares-argelia-suministro-gas-espana-12222756?utm_source=whatsapp&utm_medium=social&utm_campaign=btn-share