كوليكسيون دالطوموبيلات القديمة تشفرات ففرنسا وتحجزات فالخزيرات قبل ما تدخل عندنا

albayancom0@gmail.com
ذكرات تقارير اخبارية، أن "لاگوارديا سيبيل" والشرطة القضائية قدرو يحبطو محاولة كبيرة لتهريب كوليكسيون ديال الطوموبيلات القديمة تسرقات ف فرنسا. هاذ التدخل الامني جرا ف "الخزيرات" وتشدو خمسة معتقلين ف إسبانيا وفرنسا. هاذ الطوموبيلات تلقاو ف گراج ومن بعد الاجراءات القانونية، رجعها البوليس ل مواليها.
وعلى حساب نفس التقارير، هاذ الكوليكسيون كتشمل طوموبيلات من طراز Citröen 2CV و DS23 و DS21 و Prestige و SIMCA Talbot، تسرقات ف ضواحي باريس وكانت غادية للمغرب. وبدا التحقيق ف الواقعة ف أكتوبر الفايت، بعد تعاون وتنسيق بين البوليس الفرنسي والاسباني حول تخطيط شبكة اجرامية لتهريب 11 سيارة قديمة إلى المغرب بوثائق جديدة مزيفة عبر مينائي الجزيرة الخضراء وطريفة.
https://sevilla.abc.es/andalucia/cadiz/sevi-recuperados-algeciras-11-vehiculos-robados-coleccionistas-francia-para-llevados-marruecos-202111301125_noticia.html