إينيسياتيڤ مزيانة.. مدرسة طلبات من الدراري يلبسو الصايات بحال البنات

طلبات مدرسة في أسكتلندا من الدراري يلبسو الصايات بهدف تعزيز المساواة بين البنات والولاد.
وقال الجورنال البريطاني "ديلي ميل" أن المدرسة صيفطات إيمايل لواليدين التلامذ على هاد المبادرة بهدف أن حتى دراري يحسو بالراحة اللي كيحسو بها البنات ملي كيكونو لابسين الصايات و أيضا باش يحاولو يوصلو ليهم أن اللباس أو المظهر ماعمرو يكون مبرر للتمييز أو الحكَرة على أي شخص سواء ذكر أو أنثى.
وماشي غير التلامذ اللي يقدرو يلبسو صايات ولكن حتى الأساتذة عندهم الاختيار.
وكيف ديما، كاين اللي عجبو المقترح وكاين اللي ماعجبوش، و الأكثرية منهم أصلا ما كيعجبهومش العجب، وفي كل الأحوال كل واحد شافو من زاوية الفهم ديالو للأمور، و الأهم أن هاد المبادرة/الفكرة لونصات نقاش في المنطقة بين التلامذ و عائلاتهم وهادشي حتى هو مزيان، حسب بعض المتتبعين.