سمحات ف الفلوس والشان والمرشان.. الأميرة الجابونية ماكو تزوجات بصاحبها ديال لافاك

تزوجات الأميرة ماكو (Mako)، بنت خو إمبراطور الجابون، البارح الثلاثاء، من صاحبها ديال لافاك، كي كومورو (Kei Komuro)، "ولد الشعب" كيف كيوصفوه الكثيرين، وسمحات في الفلوس والتعويضات المالية الكبيرة وحتى المكانة الاعتبارية ديال الأمراء و عائلة الإمبراطور ف اليابان.
الأميرة خرجات من مقر أكاساكا الإمبراطوري في العاصمة طوكيو، وتوادعات مع عائلتها ومشات باش تعيش مع عريسها في ميريكان.
وكانت المؤسسة الأمبراطورية وضحات أنها ماغادي تدير لا عرس لا والو وغادي يحرموها من الفلوس اللي كتوصل حتى ل1.34 مليون دولار.
و ولات ماكو أول مرا في تاريخ الجابون من بعد الحرب العالمية الثانية ترفض هاد التعويض المالي "الإمبارطوري".