هادشي اللي بقا.. خليجيين كيعذبو الجمال وكيديرو ليهم عمليات ينفخو ليهم شنايفهم

نايضة في الخليج بعدما تبين أن بزاف ديال الناس اللي مربين الجمال، كيديرو ليهم ما يسمونه "عمليات تجميل" وكينفخو ليهم شنايفهم ويقطعو ليهم وذنيهم باش يكونو "زوينين" ويتباهاو بيهم قدام الآخرين وأيضا من أجل أنهم يبيعوها بفلوس صحيحة.
السعودية جرمات هاد الأفعال اللي كتخلي الحيوان يتكرفص ويتعذب وأكدات أن أي واحد حصل بهاد الفعايل غادي يتعاقب.
وواخا هادشي مزال كاين بزاف الناس اللي معند بوهم كَلب وقالك كيديرو "التجميل" للجمال اللي عندهم، بحيث أنه وأكد واحد من مربيي الإبل أن أطباء بيطريين كيديرو هاد العمليات باش يربحو الفلوس.