عندها 50 عام.. المغنية وملكة جمال بريطانيا السابقة ولات أغنى المطلقات

ولات المغنية وملكة الجمال البريطانية السابقة كيرستي بيرتاريلي (Kirsty Bertarelli)، أكثر المطلقات ثراء في بريطانيا.
من بعد زواج دام كثر من 21 عام مع الملياردير إرنستو، قررو الكوپل يتفارقو وخدات هي الحق ديالها اللي هي النص ديال الثروة اللي عندهم.
الكوپل تفارقو العام اللي فات وكانو متافقين باش يطلقو رسميا في الصيف، وأكد المتحدث بالإسم ديالهم أن القرار كان مشترك والانفصال داز بلا صداع بلا مشاكيل.
وبموجب معاملات تسوية الطلاق غادي تاخد بيرتاريلي، اللي عندها 50 عام، مبلغ 475 مليون دولار تقريبا، ودار كتطل على بحيرة ليمان في سويسرا، وشالي قيمتو 10 ملايين دولار في منتجع تزلج سويسري.