وزراء فالحكومة وما عارفينش انتماءاتهم السياسية.. حتى شي حد ما عارفهم اش من حزب من الاحزاب الثلاثة

قبل الاعلان على قائمة الوزراء ال24 بانتماءاتهم السياسية ما كان حتى شي حد عارف هاد الوزير اش من حزب من الاحزاب الثلاثة.
وفق مصدر ل"كود" فحتى داخل الاحزاب ما كانوش وزراء عارفين باللي هاد الوزير او هاد لوزيرة داخلة باسم حزبهم.
كما ان "كود" سولات وزراء بعد التعيين مباشرة على شكون دخل باسمهم وردو باللي ما عارفينش.
البام مثلا ما كانوش شي وحدين اللي دخلو وزراء باسمو عارفين ان بنعلي وزيرة الطاقة داخلة باسهم. اسم اخر بحال فوزي لقجع الوزير المنتدب لدى وزيرة الاقتصاد والمالية المكلف بالميزانية، وزراء كثار ما كانش فراسهم باللي غير منتمي. شي وحدين قالو باللي تابع البام.
اكتشفنا بعد اعلان ألوان الوزرا باللي بنموسى مع الاحرار وبنعلي مع البام ومزور مع الاستقلال، ومزور اخرى مع البام ولقجع ما دخلش باسم البام ولا الاحرار بل بلا لون.