السياسة فالگنايز. ناس “تيار المستقبل ” حضرو لعشا خال الهمة وغاب بنشماس والياس كما حضر احيزون والضريس ولقجع

البارح الاثنين 13 يناير بمراكش كان لعشا ديال خال فؤاد عالي الهمة اللي مات بمراكش. لعشا دارو ممون الحفلات رحال وحضروه وفق مصدر “كود” عدد من قيادات البام خاصة تيار المستقبل. جا لدار لعزا احمد اخشيشن رئيس جهة مراكش تانسيفت والقيادي فهاد التيار مع فاطمة الزهراء المنصوري من نفس التيار وكان رئيس اللجنة التحضيرية لمؤتمر البام الرابع سمير كودار حتى هو بالاضافة الى مستشارين من هاد الحزب واحزاب اخرى فيها العدالة والتنمية.
وغاب فهاد لعشا حكيم بنشماس رئيس مجلس المستشارين والمعارض لتيار المستقبل كما غاب الياس العماري الامين العام السابق للحزب وكان صديق مقرب للهمة.
هاد لعشا حضر ليه الشرقي الضريس وفوزي لقجع وعبد السلام احيزون واسماء كثيرة.