لصحاب الآيفون.. لاپليكاسيون "سپوتيفاي" هي اللي كديشارجي ليكم الباتري!

ف أقل من ساعة وحدة تقدر لاپليكاسيون ديال الموسيقى "سپوتيفاي" (Spotify) ديشارجي ليكم تلفون آيفون بنسبة 30 في المائة، خصوصا صحاب الفيرسيون اللخرة من السيستم (iOS 15).
بزاف ديال المستخدمين صيفطو ميساج لشركة "سپوتيفاي" حيت هي السبب، لأنه إيلا بقات لاپليكاسيون خدامة 3 سوايع، الباتري غادي تخوا بمرة.

كاين اللي كيفكر باش يمسح لاپليكاسيون بمرة ويهني راسو، لأن من غير أنها كتهلك الباتري، حتى التلفون كيسخن بطريقة خيالية بمجرد ما كيخدمو التطبيق.