تجاوز الهجوم الشرس لي دارو عليه..اخنوش بعدما عطا اشارات ايجابية للبام وسع المشاورات وغايتلقا مع نبيل بنعبد الله فهاد الوقت

علمت "گود" من مصدر مطلع، أن عزيز اخنوش، رئيس التجمع الوطني للأحرار، عزيز اخنوش، غايتلقا الاحزاب الاربعة الاولى من ناحية النتائج ديال 8 شتنبر، اليوم، وموراها غايتلاقا مع باقي الاحزاب.
وحسب مصدر "گود" اخنوش نسا كاع الهجومات للي كانت عليه بطرق غير اخلاقية، وقرر يطوي الصفحة، بحيث اليوم عطا اشارات ايجابية للبام للي دار عليه حلمة شرسة فالحملة الانتخابية، اضافة الى انه قرر يتلاقا مع نبيل بنعبد الله، الامين العام لحزب التقدم والاشتراكية نهار الاربعاء.
لحد الان اغلب الاحزاب اللي جات فالمرتبة الرابعة لفوق معارفش واش داخلة للحكومة ولا لا.. حتى واحد ماعندو حسم، ومن بينهم بنعبد الله للي مزال معارفش التموقع ديالو فهاد الحكومة، واش غادي يبقا فالمعارضة ولا غادي يركب قطار التحالف الحكومي، ولا غادي يعول على التراكتور يطلعو للحكومة.