اعداء المرأة فالرباط باغين يديرو بلوكاج باش ماتكونش اسماء اغلالو عمدة للعاصمة وفشلو

كيف العادة اعداء المرأة بانو ثاني فهاد التحالفات ديال تشكيل مجالس الجماعات والجهات، بحيث علمت "گود" أن بعض الفائزين بمقاعد في مختلف المقاطعات بمدينة الرباط، بداو تحركاتهم باش متكونش اسماء اغلالو عمدة المدينة.
هاد المنتخبين، وفق ما علمت "گود"، باغين يديرو العصا فالرويضة باش متكونش المرأة والصحفية السابقة اسماء اغلالو عمدة للعاصمة.
دارو اجتماعات بالليل لبارح عند شي محترفين فالانتخابات وملايرية صحاح، باش يوقفو ضد هاد المرا لي دارت حملة نظيفة فالعاصمة.
معلومات "گود" تفيد بلي هاد المناورات فشلت حيث اصطدمت بتعليمات من مسؤولي الاحزاب فالجهة خصوصا الاستقلال والبام والاحرار. التوافق يعني الالتزام بالتصويت على اغلالو. تفاصيل ديال تشكيل المكتب تاهو متفقين عليه.
الاحرار خدا عمدة المدينة، البام الجهة، وممكن الاستقلال يشد المجلس الاقليمي.