مغربي جا من فرنسا يدوز العطلة وباش يتزوج لمرا الثانية حسي مسي وهي تنزل عليه مراتو اللولة وصيفطاتو للحبس

واحد المهاجر المغربي، جا يدوز العطلة فالمغرب ويضربها بتزويجة تانية سرا، ساعة صدق ضرب الحبس علنا.
هاد المهاجر، جا للمغرب باش يدوز العطلة فأكَادير، ولكنه قرر يزور شهادة العزوبية، باش يتزوج بلا مشاكل.
مراتو كانت عندها شكوك قبل مايهبط راجلها بوحدو للبلاد، و بعدما دارت خدمتها للمراقبة و الاستفسار عن الأوضاع، عرفات أن الراجل "كيعوم فالعسل" مع مرا ثانية وهي تنزل عليه كي القدر المحتوم، ومشات ديريكت دارت بيه شكاية بالتزوير وورات للجوندارم الدار اللي كيعيش فيها مع السيدة اللي تزوج بيها فهاد العطلة سرا.
النيابة العامة ما عطلاتوش وطبعا قررات أنها تصيفطو للحبس.