القاضي رافاييل لاسالا على دخول غالي: فخمسة ايام تعطيوني اسم المسؤول على دخولو وعلى خروجو وشكون عطاه قاعة خاصة بالمسؤولين فالمطار

القاضي الاسباني رافاييل لاسالا زير المسؤولين الامنيين الاسبان، وعطى للبوليس مهلة خمسة ايام باش يعطيوه تقرير مفصل على دخول وخروج غالي.
القاضي طلب من البوليس يعطيوه اسم المسؤول لي عطاهوم الاوامر باش يدخل غالي لاسبانيا، ويخرج منها بلا مايتفتش ويدخل بهوية مزورة.
وزادت صحيفة اوكي دياريو الناقلة للخبر، ان القاضي باغي يعرف ايضا شكون سمح لغالي ومرافقيه يدخلو لقاعة خاصة بالمسؤولين فالمطار، وباغي يتعطاه تقرير على هوية كل الاشخاص لي دخلوا للقاعة.
طبعا الضبليون كانوا باغيين يضحيو بمدير ديوان وزيرة الخارجية السابقة ارانتشا غونزاليث باش يطويو الملف، ولكن القاضي لاسالا باغي يمشي بعيد ويجبد أي مسؤول كتورط فهاد القضية لي خلقات روينة بين المغرب والصبليون.