بعدما لقى المطار مسدود.. طوم كروز هبط بالإيليكوبتر وسط جردة ديال عائلة بريطانية

الممثل العالمي طوم كروز كاين حاليا في بريطانيا باش يصور لقطات من الفيلم ديالو "ميسيون أمپوسيبل".
ملي كان غادي ينزل بالإيليكوبتر ديالو لقا المطار مسدود، ووافقات عائلة باش ينزل ف الجردة ديالهم بلا ما يعرفوش شكون اللي فالطيارة فاللول، قبل ما يتفاجؤو أنه النجم طوم كروز.
العائلة اللي كتسكن في واروكشير (Warwickshire)، فرحو ملي اكتشفو أن الأمر يتعلق ب توم كروز وتصورو معاه، ومن بعد دار دويرة بوليداتهم بالإيليكوبتر باش يشكرهم.
وهاد الساعة كيصور الممثل مشاهد من الجزء الجديد من "ميسيون آمبوسيبل" في مركز "كَراند سنترال" التجاري في برمنكَهام.