موظفة اتاهمات بريتني سبيرز بانها ضرباتها على ود پورطابل

قالت موظفة أن بريتني سبيرز ضرباتها ف دارها ملي تناقشو على ود تلفون پورطابل، نهار الإثنين الفايت.
البوليس بداو لونكيط مع المغنية الميريكانية واللي مازال مستمر في القضية.
محامي بريتني، ماثيو روزينكَارت، كَال في بيان لقناة "سي أن أن" الإخبارية الميريكانية، أن هادشي كذوب ووضح أنها تناقشات مع الموظفة المعنية على قبل الپورطابل والقصة كاملة مافيها لا ضرب لا جرح ولا والو.
وهاد الواقعة جات فهاد المرحلة اللي ناضت فيها سبيرز وكاتقود "معركة" قانونية باش تسالي مع وصاية الواليد ديالها التي فرضاتها عليها محكمة هادي 13 عاماً.