فارماسيان كايواجه 120 عام ديال الحبس بعدما باع شهادات ديال التلقيح لعدد من الناس

شدو البوليس في شيكاكَو الميريكانية فارماسيان باع عبر موقع "eBay" بزاف ديال الشهادات الخاصة بالتلقيح ضد فيروس كورونا.
وزارة العدل الميريكانية قالت أن "تونكَتانكَ جاو" (Tangtang Zhao)، اللي ف عمرو 34 عام، فايت ليه باع 125 كارطة تلقيح صادرة عن مراكز مراقبة الأمراض والوقاية من بينها "سي دي سي" (CDC)، وهي الهيئة الصحية الفدرالية الرئيسية في البلاد، وهادشي بمايعادل 100 درهم للكارطة الواحدة.
هاد الكارطات عندهم أهمية كبيرة لأن بزاف المتاجر ومراكز العمل والأحداث العامة كاتشرط على الموظفين يعطيوها ليهم باش يتأكدو بللي راهم دايرين الڤاكسان ضد كورونا قبل ما يدخلو.
هاد الفارماسيان توجهات ليه 12 تهمة مرتبطة بسرقة ملكية عامة، وكايواجه احتمال السجن 10 سنين على كل تهمة.