شكون يحاسب هاد وزير الصحة . مشى ورطنا مع الڤاكسان دشينوا والعالم بدا اللقاح وطالع كيطنز علينا: ها استراتيجية التلقيح ها منصة التواصل

وزير الصحة خالد ايت الطالب طلع كيطنز على كاع لمغاربة. قبل فترة باع لينا الوهم باللي المغاربة غاديين يديرو من اللولين الڤاكسان ضد لقاح كورونا. كلشي صدقو. مشى عند الشينوا وراهن عليهم عوض المراهنة على اكثر من مختبر. رهننا مع هاد الناس اللي لحد الان ما بغاوش يعلنو على نتائج المرحلة الثالثة من لقاحهم في حين وافقات دول بحال امريكا وكندا وبريطانيا على لقاح "فايزر".
الوزير علقنا مع هاد الصين وخلى فايرز اللي عندها معمل ديالنا فالجديدة. يعني كانت امكانية التعاون مع الشركة الامريكية. حتى لقاح موديرنا الامريكي اللي غادية ترخص ليه امريكا فهاد الاسبوع ما دار حتى مفاوضات باش يجيبو.
رهننا والبارح خرج فالبرلمان كيقول ما كاين والو. لبلاد واقفة والمغاربة كل نهار كيموت فيهم شي حد. هو الفاشل فكلشي كيهدر بحال ايلى كلش بيخير.
اخر عنترياته الغريبة هو اعلان وزارتو على ما سماه استراتيجية التلقيح. قال بللي هاد الاستراتيجية "ستتم على مدى 12 أسبوعا بوتيرة 6 أيام من العمل في الأسبوع، وفي 4 فترات تبلغ كل منها 21 يوما بمعدل يبلغ ما بين 150 و200 لقاح في اليوم لكل عامل صحي، وكذا وضع نظام مداومة لضمان السير العادي للخدمات الصحية الأخرى"
وان هاد التلقيح غادي يدار على مرحلتين اي فيه جرعتين منفصلتين "كل 21 يوما، سيهم العاملين بالخطوط الأمامية، منهم على الخصوص الطاقم الصحي والسلطات العمومية وقوات الأمن وموظفو التعليم، على أن يشمل يعد ذلك باقي المواطنين حسب السن|.
العالم كولو كيبدا بالناس لكبار فالسن الا هاد الوزير الاولوية عندو لصحاب الخطوط الامامية.
الوزارة قالت باللي غادي يتم "إحداث محطات للتلقيح، عبارة عن وحدات ملحقة بالمراكز الصحية، تقدم خدماتها عبر نمطين، نمط قار لاستقبال الساكنة بمحطة التلقيح، ونمط متنقل حيث تتوجه الفرق إلى مستشفيات ومصانع وإدارات وأحياء جامعية ومؤسسات سجنية".
وباللي سيتم "اعتماد نظام معلوماتي يضم التسجيل المسبق وأخذ الموعد، علما أن التسجيل يعتبر تلقائيا بالنسبة للأشخاص الذين يتوفرون على البطاقة الوطنية أو تصريح الإقامة، بينما الأشخاص الآخرون مدعوون للتسجيل لدى السلطات المحلية التابعة لمقر إقامتهم حتى يستفيدوا من التلقيح الذي يقوم على المجانية والتضامن والشفافية والتطوع".
وقال باللي "بعد التسجيل والحصول على الموعد، سيتم إرسال رسالة قصيرة الى المعنيين بالأمر عبر رقم 1717 لإبلاغهم بتاريخ ومركز التلقيح. وهذا النظام يشمل كذلك سجلا إلكترونيا للتلقيح ويتضمن ، بالإضافة إلى البيانات الخاصة بتحديد هوية الشخص المراد تلقيحه ، بيانات عن نوع اللقاح وتواريخ الجرعتين الأولى والثانية".
واكد ان "فرق التلقيح ستكون مزودة بلوحات إلكترونية متصلة بالإنترنت من أجل تسجيل الأشخاص المستفيدين من التلقيح".
بخصوص التتبع عن عن بعد للأشخاص المستفيدين من التلقيح٬ الوزارة قالت انو "من خلال تطبيق "جواز الصحة" ومنصة "Yakadaliqah" ، سيتم تتبع وتسجيل الآثار الجانبية في حالة حدوثها سواء عن طريق التصريح المباشر من الشخص المعني أو عن طريق مهني الصحة على مستوى المؤسسات الصحية".
واكد انو لتأطير هاد العملية تمت تعبئة 25 ألفا و631 من الموارد البشرية، منهم أزيد من 11 ألفا بالوسط القروي.
وعلى المستوى الترابي، تقتضي استراتيجية الحملة وضع لجنة تقنية مشتركة تضم وزارتي الصحة والداخلية، تجتمع بصفة مكثفة ودورية من أجل التحضير لحملة التلقيح، وتدقيق الجانب الميداني للعملية.