محاكمة المغني آر كيلي.. ممثلة الإدعاء: المتهم من فعايلو باين متوحش وكان معيش ضحاياه ف العبودية – فيديو

في منطقة بروكلين بمدينة نيويورك بدات هاد السيمانة محاكمة الموسقي آر كيلي (R. Kelly) اللي متابع بتهم ديال اعتداءات جنسية.
ممثلة الإدعاء في ميريكان قالت أن المتهم "مفترس" وطلب من بزاف العيالات والبنات الصغار باش يمتاثلو للرغبات الجنسية المريضة ديالو وبقا كايتحكم فيهم و يبتزهم لمدة 20 عام والزيادة.
هيئة المحلفين قالت أن المغني كان كايكذب ويهدد العيالات وكان مبزز عليهم مايديرو حتى حاجة بلاما يتشاورو معاه بما في ذلك الطواليط.
ووضحات المتحدثة في بيان "هادي قضية وحش مفترس وماشي ديال راجل مشهور عزيز عليه النشاط والحفلات".
وفي حالة تمت الإدانة ديال هاد المغني، و سميتو الكاملة "روبرت سيلفستر كيلي"، بكل التهم الموجهة ليه، يمكن يدوز عشرات السنين ف الحبس.