بعدما لقاو عندو فيديوهات فيهم استغلال جنسي لدراري صغار.. محاكمة جديدة ضد المغني "آر كيلي"

انطالقات هاد سيمانة محاكمة جديدة ضد نجم موسيقى "RnB" الميريكاني "آر كيلي" (R. Kelly) اللي متابع في بزاف ديال الضواصا قضائية بتهمة ارتكاب اعتداءات جنسية كثيرة.
المغني/المجرم، اللي عندو 54 عام، مشدود فالحبس في بروكلين ودابا غادي يتحاكم هاد المرة بتهمة الابتزاز والاستغلال الجنسي للقاصرين والاختطاف والفساد والعمل القسري.
‏
‏هاد الوقائع طرات ما بين 1994 و2018 لكن هو لحد الآن "متشبث" بالبراءة ديالو.
‏
مول أغنية "I believe i can fly" عندو 3 ديال جوائز "كَرامي"، ومعروف على المستوى العالمي.