الممثل بيل كوسبي خرج من الحبس بعدما لغات المحكمة تهم الاعتداء الجنسي

عانق الممثل بيل كوسبي (Bill Cosby) الحرية بعدما لغات أعلى محكمة في بنسلفانيا (أمريكا) الإدانة ديالو في قضية الإعتداء الجنسي.
بيل دوز عامين ديال الحبس بعدما تاهموه بزاف ديال العيالات بالإعتداء الجنسي عليهم. وكان هو من المشاهير اللولين اللي تحاكم ف بداية الموجة ديال "metoo" اللي فضحات بزاف من المغتصبين و المتحرشين خصوصا ف أوساط الفن و المال و الأعمال بأمريكا.
السمعة ديال الممثل تمرمدات بزاف بعدما تاهموه العيالات ومشا للحبس، في حين هو باقي كايعاود نفس الهضرة، ملي أكد في شهادة ديالو أنه كان كايعطيهم الفانيد غير باش تكون العلاقة الجنسية مزيانة وأن هاد العلاقة بيناتهم كانت رضائية.