جوج ماتو في كسيدة خايبة بين تريبورطور وكاميو فسيد العايدي

جوج ماتو فالبلاصة البارح الثلاثاء 10 فكسيدة خايبة وقعات فاصطدام بين طريبورطور وكاميو كبير فالجماعة الترابية اسيدي العايدي التابعة لإقليم سطات.
وفي السياق ذاته كشفت مصادر " كود "، ان ظروف وملابسات لكسيدة تعود باش كان الضحيتين راكبين على هاداك الموطور فالطريق الوطنية رقم 9 الرابطة بين برشيد وسطات، تماك دخل الكاميرو فالموطور فالنقطة الكيلومترية رقم 9 بجماعة سيدي العيدي .
طبعا كانت الموت وجات السلطات وتفتح تحقيق وهزو الموتى لمستودع الأموات بالمستشفى الاقليمي الحسن الثاني بمدينة سطات باش يديرو ليهم التشريح الطبي يخدمو بيه فالبحث القضائي الذي فتحته عناصر الضابطة القضائية بتعليمات من النيابة العامة المختصة
شيفور الكاميو حطوه فالحراسة النظرية في انتظار استكمال البحث واحالته على ممثل النيابة العامة باش يحدد ليه التهمة اللي غادي يتحاكم بيها .