اش هاد لعجب طلع فالتجسس ب"پيگاسوس". هاد الشي شغل مخابرات دولة قوية. فوربيدن ستوريس كتهدر على التجسس على الملك وعلى رجالات الدولة على....

نشرات هاد الصباح "فرانس كولتور" و"لوديسك" مقالات على هاد الفيلم الغريب ديال التجسس ب"پيگاسوس" فالمغرب. اليوم ما كاينينش اسماء صحافيين. المقالات اللي خرجات كتهدر على المغرب وكتقول ان اجهزة فالدولة كتجسس على كلشي بما فيهم رئيس الدولة الملك محمد السادس.
جبدو الحاجب الملكي والاميرة سلمى والامراء وكبار رجال الامن والدرك... باختصار. قالو باللي كلشي كيتعرض للتجسس.
الغريب كيفاش هاد "فوربيدن ستوريس" خدمات وعرفات هاد الشي. ماشي مختبرات بحال ديال "امنستي" اللي تقدر تعرف هاد الشي٬ القضية فيها اجهزة قوية لدول قوية.