نزار بركة كايرجع أتباع شباط للواجهة.. لجنة الترشيحات ديال الإستقلال زكات عادل بن حمزة ف دائرة الخميسات

الأمين العام لحزب الاستقلال، نزار بركة، بدا كايرجع أتباع وأنصار حميد شباط، الأمين العام السابق للحزب، إلى الواجهة. هاد الوجوه كانوا داعمين لشباط ضد عدد من القادة الإستقلاليين.
فبعد تزكية عبد القادر الكيحل اللي كان اليد اليمنى ديال شباط قبل وبعد انتخابه أمينا عاما ل"الميزان" للترشح بدائرة سلا المريسة، علمت "كَود" أن لجنة الترشيحات داخل حزب الإستقلال قررت تزكية عادل بن حمزة مرشحا باسم الحزب في دائرة الخميسات-أولماس برسم الإنتخابات التشريعية القادمة.
الكيحل وبن حمزة يعتبرون من الوجوه اللي كانت ساهمات في اتخاذ قرارات ضد أعضاء من اللجنة التنفيذية للحزب من قبل الأمين العام السابق حميد شباط.
ويقول متتبعون، أنه كان خاص نزار بركة أو هاد لجنة الترشيحات، مللي تحيد شباط، حتى الأتباع ديالو يطيرو من الحزب ويرجع الحزب كيف كان، حسب تعبيرهم.