مرات الريسوني كلفات رسام باش يرسم الحالة اللي ولا عليها الريسوني من بعد كثر من 80 يوم ديال الإضراب على الماكلة: تشوه جسمو وتبدلات صورتو

حطات مرات الصحافي المعتقل سليمان الريسوني، خلود المختاري، رسمة تقريبية لراجلها، اللي داير إضراب عن الطعام لليوم 87.
وقالت المختاري، فتدوينة ليها على "فيسبوك" مرفوقة بالرسمة اللي كلفات بيها رسام، أن راجلها تشوه فالجسد ديالو، وتغيرات صورتو، "هكذا كان سليمان في آخر مرة رأيتو"، كتضيف.
وزادت، فالتدوينة اللي حطاتها لبارح الجمعة: "هذ الصورة جواب على محاولات إخفاء الحقيقة الوحيدة، وهي أن هناك صحافي كيعاني الويلات فالحبس ويقدر يوصلنا خبر وفاتو بعد 86 يوما من الإضراب عن الطعام".
وقالت ان "كلشي على المحك، سمعة وإنسانية الجميع، واللي كيشطحو على الجثة، وكيقمرو بحياة الريسوني، حتى هوما على المحك".
وكيبان الريسوني فالرسمة مبدل بزاف، ضعيف بزاف ولونو صفرو وعيان، وملامحو مبدلين، بحال الى ماشي هو.
https://m.facebook.com/story.php?story_fbid=975669546567931&id=100023746840914