عائلات الصحافيين الراضي والريسوني رجعو يديرو اعتصام ثاني قدام عكاشة – فيديو

لليوم الثاني على التوالي، نظمو عائلات كل من الصحافيين المعتقلين، عمر الراضي وسليمان الريسوني، اعتصام قدام السجن المحلي عين السبع 1 (عكاشة).
واليوم الثلاثاء علقو العائلات فالكَرياج ديال الحبس صور تضامنية ولافتات للمطالبة بإطلاق سراح المعنيين، وتمتيعهم بمحاكمة عادلة.
وهذ الاعتصام الثاني جا مباشرة بعدما تدهورات الحالة الصحية ديال الريسوني بسبب إضرابو على الماكلة، بحيث البارح فالليل تهز للسبيطار دالحبس بعدما تشللات رجليه اليمنية، كيف ما قالت مراتو خلود المختاري فتدوينة ليها.
واليوم كمل الريسوني 34 يوم ديال الإضراب عن الطعام بينما اضطر الراضي يحبس إضرابو مؤقتا بعد 22 يوم ديال الجوع بسباب مضاعفات مرض الكرون اللي كيعاني منو.
https://m.facebook.com/story.php?story_fbid=943360303132189&id=100023746840914