الجدرامية شدو 5 د "الحراكة" وطيحو زوج مخازنية ف الناظور

تمكنت عناصر الدرك الملكي بمركز قرية أركمان التابعة لسرية زايو والقيادة الجهوية بالناظور، أخيرا، من توقيف 5 منظمين للهجرة السرية، فضلا عن توقيف زوج مخازنية يتشبه التورط نتاعهم ف تسهيل عمليات "الحريك"، انطلاقا من سواحل قرية أركمان اللي كطل على الواجهة المتوسطية ف اتجاه الضفة الأوربية.
جا هاد الشي، بعدما وقفات عناصر البحرية الملكية المعنيين بالأمر، وحالتهم على الجدرامية د القرية اللي دارو معاهم لونكيط، هاد الشي اللي خلاهم إديروا لافير ويفككوا خيوط هاد الشبكة اللي كتنشط ف مجال الاتجار فالبشر.
مصادر مطلعة، قالت ل" كود"، أن عدد "الحراكة" الموقوفين في إطار هاد العملية، كيبلغ حوالي 25 شخص، وأنهم كانوا باغيين إحركو ل "أوربا" بعدما عطاو لفلوس للمنظمين، إلا أن تدخل الأجهزة الأمنية مخلا همش احققو الغاية نتاعهم.
وأضافت، أن الجدرامية اللي كانوا مكلفين ب لوكنيط زيروا على "الحراكة" مزيان فاش كانوا اتصنتوا ليهم ف محاضر د الاستماع، هاد اللي خلاهم إكشفوا على أسماء المنظمين نتاع الهجرة السرية، واللي بدورهم فضحوا زوج مخازنية يشتبه التورط نتاعهم ف القضية.
وجرى الاحتفاظ بالموقوفين رهن تدبير الحراسة النظرية لفائدة البحث الذي يجري تحت إشراف النيابة العامة المختصة، في انتظار تقديمهم إلى العدالة من أجل المنسوب إليهم.