العلم فين وصل.. باحثين فنيوزيلندا اختارعو مكينة كتربط الماشوار بالهندة للناس اللي باغيين يضعافو

دارو باحثين نيوزيلنديين أول جهاز فالعالم خاص لتطياح الوزن عن طريق ربط الفكين، واعتبروه أداة جديدة لمحاربة الغلض.
هذ الابتكار هو اللول فالعالم، كيعتمد على هندة كتركب فالفم وكتلصق بالكروات فالضروس الفواقى والتحاتى، وكيولي يمكن لمستعملها يحل الفكين ديالو غير بجوج ميليمترات.
وقال الباحث الرئيسي بول برونتون، من كلية العلوم الصحية بجامعة أوتاغو، أن هذا الابتكار الجديد كيخلي الشخص المعني يتبع نظام غذائي كيقتصر غير على السوائل بدون إعاقة التنفس أو الكلام.
واعتبر أن هذ الآلة بديل على التدخل الجراحي، وهو ما دايمش واقتصادي، وماعندو حتى عواقب سلبية.
وحسب دراسة نشراتها المجلة البريطانية لطب الأسنان، فعدد هذ الشهر، قالو الباحثين أن سبع نساء خسرن ما متوسطه 6,36 كيلوغرامات، خلال تجربة استمرت جوج أسابيع مع هذ الجهاز المسمى "دنتال سليم دايت كونترول".
وقالو الباحثين ان الناس اللي استعملو هذ الجهاز عاناو من بعض الانزعاج الأولي، لكن من بعد شافو أن الجهاز مقبول.
لكن البعض شبه هذ الآلة بأدوات التعذيب اللي كانت فالقرون الوسطى، وناس اخرين اعتبرو أنه كيعزز عادات الماملة اللي ماصحياش.
https://elaph.com/Web/health-science/2021/06/1445278.html?fbclid=IwAR079YZ3JP1gXuQr9ZyNuHgm7Puo8Pk37u5O_-vy_YoyFX_rs4IckOu3EUw