منظمة الصحة العالمية: ماغنساليو من كورونا حتى يتلقحو 70 فالمية من سكان العالم

قالت منظمة الصحة العالمية أن وباء كوفيد-19 ماغيساليش قبل ما يتلقحو 70 فالمية من سكان العالم.
وعبر هانس كلوج، مدير الفرع الأوروبي للمنظمة، فحوار دارو مع فرانس بريس، على القلق ديالو من ظهور نسخة متحورة جديدة للفيروس تكون أشد عدوى من النسخات السابقة، واكد ارتفاع درجةالعدوى فبعض النسخ المتحورة، بحال "الفيروس الهندي".
واكد ان الفيروس "بي 1617" الهندي اكثر عدوى من الفيروس "بي 117" البريطاني، اللي كان الاكثر عدوى فأوروبا ف2020.
وقال أن حملة التلقيح فالاتحاد الأوروبي مازالة ثقيلة بزاف، فالوقت اللي خاص تزاد اليقظة مع اقتراب فصل الصيف، وأكد على ضرورة التسريع فعمليات التلقيح فالقارة العجوز لوضع حد لهذه الجائحة، حيت "السرعة أمر أساسي وهذشي اللي كان خاص اوروبا من اللول"، كيف أكد على ضرورة الزيادة فعدد اللقاحات.
وف53 دولة أوروبية، غير 26 ديال الأشخاص اللي تلقحو، وفالاتحاد الأوروبي خداو 36.6 فالمية من السكان جرعة واحدة وتلقحو غير 16.9 فالمية بشكل كامل.
https://arabic.euronews.com/2021/05/28/who-says-pandemic-wont-end-before-vaccinating-70-percent-earth-people