مؤلم. كان كيصور آخر فيديو ليه وطلب من المغاربة يحررو سبتة ومليلية.. حراكَ مغربي طاح على علو 7 متر فميناء سبتة ومات – فيديو

توفى حراكَ مغربي، فاش كان كيصور فيديو ليه بتيليفونو، قبل ما يطيح على علو 7 متر فميناء سبتة.
والشاب كان كيصور فيديو لايف، هضر فيه مع المغاربة باش يجيو لسبتة ومليلية ويحرروهم من الاستعمار، وهضر حتى على تحرير الأندلس "الإسلامية" ومدن إسبانية، وماكملش هضرتو حتى طاح.
وهزو المصاب غير بعد ما طاح بشوية، ووصل فحالة حرجة للسبيطار وداروه فالعناية المركزة ليلة كاملة، إثر إصابات حرجة فوجهو وفالجمجمة ديالو، وفالصباح بكري توفى.
ولحد الساعة، تعلن على وفاة 3 ديال الحراكَة من اللي جاو لسبتة، 2 فالبحر، والثالث هو هذ الشاب اللي توفى بهذ الطريقة.
https://www.ceutaactualidad.com/articulo/sucesos-tribunales/migrante-fallecido-grabo-movil-minutos-antes-caer-vacio-puerto/20210522104953124799.html