عاجل. بوريطة استدعى ديكاردو دييز. الرباط ساخطة على مدريد بسباب تواجد زعيم البوليساريو للعلاج فالصبليون

المغرب مقلق من الصبليون بسباب تواجد زعيم البوليساريو ابراهيم غالي للعلاج فشي سبيطار فسرقسطة. فقد استدعى وزير الخارجية المغربي ناصر بوريطة هاد النهار سفير مدريد فالرباط ريكاردو دييز هوسلانتر على وجه السرعة على قبال هاد الموضوع.
وافادت يومية "لارثون" ان الرباط عبرت عن "سخطها" من الحكومة الاسبانية لتواجد زعيم البوليساريو فالجارة الشمالية. وافادت اليومية اليمينية الاسبانية ان الرباط وصفت هاد التصرف ب"غير المنصف".
ازمة جديدة بين الدولتين.
وكانت جمعيات حقوقية من خلال مواطنين اسبان من اصول صحراوية قد قدمو شكايات ضد هاد المسؤول. المحكمة قبلت هاد الشكايات. دابا خاصها تستامع ليهم. المشكلة ان الحكومة الاشتراكية دارات اتفاق قبلي مع الجزائر باش ما تتحركش المتابعة ضد هاد الزعيم. دابا غادية تولي قضية فالصلبيون