المجلس الوزاري قريب. يمكن هاد السيمانا. هاد المجلس الوزاري غادي يعرف تعيينات كثيرة. من الأسماء المتوقعة، حسب مصادر "كَود" هو تعيين أحمد رحو فبلاصة عبد اللطيف لجواهري على رأس بنك المغرب. لجواهري دوز سنوات فهاد المنصب وبغى يرتاح. شخصية أخرى عيات وبغات ترتاح هي ادريس جطو رئيس المجلس الأعلى للحسابات. يتوقع حسب مصادر "كَود" تجي فبلاصتو زينب العدوي. فالقضاء حسب مصادر "كَود" فعبد النبوي الوكيل العام للمملكة يتوقع غادي يمشي فبلاصة مصطفى فارس رئيس المجلس الأعلى للسلطة القضائية فيما غادي يعوض لحسن الداكي الوكيل العام بالرباط. أي أن الداكي غادي يولي الوكيل العام للمملكة. طبعا غادي يكون تعيينات فالداخلية لشي عمال وولاة بالاضافة إلى بعض المناصب السامية ويتوقع تعيينات اخرى لبعض السفراء.