قارنوها بصفاء حبيركو.. انتقادات للبسة ديال هدى الريحاني ف "لالة لعروسة"

كتعرض الممثلة هدى الريحاني لانتقادات كثيرة بسبب اللبسات ديالها في برنامج "لالة لعروسة" لي كتقدم بدل صفاء حبيركو هلد العام.
المتتبعين ديال البرنماج لي كيدوز في القناة الأولى، قالو أنها إطلالات متواضعة بزاف مقارنة بفنانة في مكانتها.
هدى الريحاني قارنوها بحبيركو اللي كانت حريصة على اللبسات ديالها في "لالة لعروسة" ولي كشفت من بعد أنها كانت كتخلصها هي من جيبها.
صفاء حبيركو كانت عرات المشكل لي واقع على مستوى الانتاح ديال البرنامج، وقالت انهم كانو شحيحين معاها على اللباس والدباز كان في أغلب الأوقات على التكاشط والقفاطن، واكدات ان هادشي من الأسباب اللي خلاوها ما تكملش معاهم.