تجبدات الهضرة، فنشرة الأخبار مباشرة على قناة BBC، على المغرب والحملة دالتلقيح اللي داير ضد فيروس كورونا المستجد. كاتي كاي، الصحافية المقتدرة دالقناة الإخبارية البريطانية، اكدات على السرعة ديال المغرب فتلقيح المواطنين ديالو، وكشفات أن ختها خدات لقاح "استرازينيكا" دغيا، بينما راجلها فميريكان مازال. وفجوابها على زميلها، كريستيان فراسر، اللي كان كيهضر على استخدام لقاح "أسترازينيكا" فألمانيا والنكَليز، قالت كاتي "هضرت مع ختي غير قبل مانبداو هذ اللايف، وقالت لي أنها قدرات تاخد الجرعة اللولة من لقاح "أسترازينيكا", وتصور فين كتعيش؟ فالمغرب". وزادت: "ختي تلقحات بالزربة وقبل مني انا وراجلي اللي عايشين فميريكان... هذشي كيدل على أن شي بلدان غاديين مزيان فحملة التلقيح".
