حروب سياسية بالفايك تستهدف المندوبة الجهوية للصحة فكازا. حركيون دافعو على مديرة تحاقن الدم اللي جاتها انسبيكسيون وروجو اشاعة اقالة الرميلي

قبل ايام كتبنا ف"كود" فان امال رديد مديرة مركز تحاقن الدم اللي ضاربات مع طبيبة وراسلات الوزارة عبر محاميها الخاص. البارح جات انسبيكسيون من الوزارة على هاد التصرف غير المسبوق وفق ما عملته "كود". لكن اللي ما توقعو حتى حد هو ان شي نقابيين من الحركة الشعبية اللي كتنتامي ليهم الطبيبة مولات الزبلة٬ غاديين يطلقو اشاعة اليوم مفادها ان وزير الصحة اقال المديرة الجهوية للصحة فجهة الدار البيضاء سطات الجديدة نبيلة الرميلي.
الاشاعة دارت لدرجة ان الوزارة استغربات على سرعة انتشارها. مصدر من الوزارة قال ل"كود" "من الوزير وهبط تفاجئو بهاد الاشاعة".
هاد الفايك جا وفق مصدر ل"كود" فاطار حروب داخلية توظفات فيها الحركة الشعبية. الطبيبة ديال تحاقن الدم اللي فشلات فتدبير هاد الشي واي كازاوي غادي يمشي يعطي الدم غادي يبان ليه هاد الشي٬ ناضت طلقات اشاعة اقالة الرميلي