خاص. حرب باردة بين الجامعة والوزراة. علاش ما خرجش بيان للجامعة والوزارة على عدم ترشح المغرب لاحتضان “كان 2019

واش وزير الشبيبة والرياضة رشيد الطالبي العلمي زرب فنشر تصريح للرياضية بخصوص ان المغرب ما عمرو كانت عندو نية الترشح لاحتضان كأس افريقيا للامم ف2019 لتعويض الكاميرون؟ الخبر اكده الوزير في تصريح ل”كود”. وفق مصدر “كود” فان القرار كان قد اتخذ قبل 4 ايام
شي كيقول علاش حنا كاع نخرجو نديرو تصريح على الترشح لاحتضان حدث رياضي ما عمرنا قلنا باللي غاديين نترشحو ليه. شي كيقول وفق مصادر “كود”٬ علاش ما كانش التنسيق بين الوزارة والجامعة على هاد الشي ويخرج بيان مشترك.
البيان كان خاصو يكون وفق مصادر “كود” فاليوم الاخير اللي حدداتو الكاف للدول اللي باغية تعوض الكاميرون. شمال افريقيا كاع دولها كانت ناوية تدعم المغرب ايلى ترشح. دابا ايلى مصر ولا الجزائر كاع ناضت وتقدمات بملفها؟ هادي المغرب غادي يولي داعم الملف الجزائري.
مصادر “كود” فسرات هاد الشي بحرب باردة بين الجامعة ووزارة الشبيبة والرياضة. كود سولاتهم بجوج نفاو هاد الحرب. ولكن باش كتبع اللي كيوقع كيبان باللي كل واحد عايش فعالمو وفق افكارو