فيلم ميريكاني هادا. واحد كان كيستغل اعاقتو ويبيع المخدرات شدّوه الجوندارم بعدما تنشرو تصاورو فيهم الحشيش .. وعصابة هجمات على دارو باش تسرقو ملّي شافو التصاور تشدّات حتى هي

بعدما تسبب نشر صور لشخص كيعاني من اعاقة فاولاد تايمة، فاعتقالو، تمكن درك ولادة تايمة ليلة لبارح من اعتقال عصابة هجمات على دارو.
وحسب مصادر محلية، فهاد الشخص كان كيستغل أنه من صحاب الاحتياجات الخاصة، باش يروج المخدرات، لكن تداول صوره وبحوزته مخدرات معدة للترويج، جعل الدرك يتحرك ويقوم بإيقافه.
وزادت المصادر أن شي عصابة ملي شافت صور المخدرات، ناضت مشات لدارو وقتاحماتها وسرقوها، وهددو مراتو، والاخيرة مشات حطات شكاية مباشرة بعد السرقة، وتمكنت عناصر الدرك بعد ساعات من اعتقال 4 من الجناة، واسترداد المسروقات، في حين لا زال البحث جاريا على جوج اخرين.