سوء الأحوال الجوية مزال كيدير الكوارث.. 3 ديور طَاحُو فتاونات وها كيفاش مات راجل كبير فغفساي

بسبب سوء الأحوال الجوية اللّي كتعرفها عدد من المناطق الجبلية هاد الأيام، قالت مصادر محلية ل"كَود" أن 3 منازل رابو في مناطق مختلفة بدواوير إقليم تاونات أمس الأحد.
وفجماعة قرية با محمد، حسب مصادر "كَود"، رابت دار بحي كدارة مخلفة خسائر مادية لأصحاب الدار دون أن يتسبب الحادث فشي خسائر بشرية، بالإضافة إلى انهيار منزل من الطين بمناطق أخرى.
حادث آخر سالا حياة رجل فالسبيعانت من عمره. هاد الحادث وقع بدوار ازغدرة بجماعة البيبان بنفس الإقليم. الهالك مات بعدما رابت عليه الدار ديالو اللّي كيسكن فيها بوحدو. مصادر "كَود" قالت بأن الحادث تسبب فيه سقوط حجرة كبيرة على هاد الدار.