ياكما قررات تدخل سوق راسها.. دنيا باطمة: عام جديد شخصية جديدة – تدوينة

من بعد ما روناتها ف 2020، وبقات في الصداعات والمحاكم، والتهم مع قضية "حمزة مون بيبي"، واعدات المغنية دنيا باطمة المتتبعين ديالها بأنها غادي تتبدل، وما غاديش تبقى كيف كانت في هاد السينين لي دازت.
دنيا عطات الوعد بمناسبة السنة الجديدة، وكتبات كتعليق على منشور/صورة حطاتهم في حسابها على انستكَرام: اهلا ومرحبا 2021 سنه جديدة شخصية جديدة قوة جديدة صحبة جديدة اعمال جديدة فرحة جديدة برستيج جديد نصر جديد.. اكتساح جديد.. كلو جديد في جديد ان شاء الله عساها اجمل الايام علينا وعليكم سنة سعيدة..
ماعرفناش واش دنيا باطمة بهاد الهضرة كتعني انها غادي دخل سوق راسها وتبعد على المشاكل، وتركز على فنها، خصوصا أن صوت قوي، وبزاف كيعتابروها فنانة حقيقية.
https://www.instagram.com/p/CJdwI23gedZ/