امتى غادي تكالما دنيا باطمة وتبعد على المعاطيات فاللايفات؟ آخر فيكتيم ديالها يوسف اوزلال

المغنية دنيا باطمة كل مرة كتقول أنها مغاديش تبقا تجاوب الناس لي كيجبدوها وينتاقدوها وغادي تركز في الفن والغنا. لكن هاد الهضرة مكتطبقهاش ودمها سخون دغيا لي فقلبها كيخرج على لسانها.
اخر معاطية كانت نهار السبت ملي عرضات عليها ليلى الحديوي تحضر لعرض ديالها جديد وكانت طالقة لايف في انستكَرام غير دخل الممثل يوسف أوزلال لي مشهور بشخصية فاطمة تاويل وهي تقلب الكاميرا لوجهها وقالت “يمشي هاد الحويمض ونرجع للايف”. يوسف معطلهاش وجاوبها ووصفها ب”الخبيثة”.
سؤال هو امتى دنيا غادي تبعد على المعاطيات، امتى غادي طبق كلامها بصح وتعطي لكل واحد النخال، وتديها غير فغناها وسهراتها.