هو نفسو اللي شرا المغرب.. السلاوي: ميريكان غتبدا تستعمل لقاح أسترازينيكا فأبريل

علن منصف السلاوي، مستشار عملية "وارب سبيد" الأمريكية لتطوير لقاح فيروس كورونا المستجد، بأن ميريكان ممكن ترخص فأبريل الجاي للقاح أسترازينيكا/أكسفورد البريطاني، وهو نفس اللقاح اللي اعتمدو المغرب بالإضافة للقاح سينوفارم الصيني.
وزاد السلاوي، عالم اللقاحات الأمريكي من أصول مغربية، لبارح الأربعاء فلقاء ليه، أن الاختبارات الأمريكية غادية وباش توافق على استعمال هذ اللقاح، على اعتبار أن عشرات ملايين الجرعات غيكونو متوفرين وجاهزين، وممكن استخدامهم إلى بينات المعطيات على النجاعة ديالو.
وشاد السلاوي بالوكالة البريطانية الناظمة للادوية، وقال انها مسؤولة و"تقوم على العلم".
وكشف السلاوي انه ممكن ميريكان توفق على اعتماد لقاح جانسن اللي طوراتو شركة "جونسون آند جونسون"، فالنص اللول ديال فبراير.