مهاجر مغربي صدم الطاليان. لقا كَيشي ديال بنكة كيخرج الفلوس بوحدو.. جمع 980 اورو ودّاها للبوليس

"حدث غير متوقع". بهاذ العبارة وصفات مواقع اخبارية إيطالية اللي جرى بمنطقة "سانتو ستيفانو" بمدينة نابولي من طرف مهاجر مغربي عندو 51 عام.
حسب المصادر ذاتها، المغربي كان غادي في نزهة بالمركز التاريخي للمدينة ، شاف ماكينة الصراف الآلي اللي كان غادي حداها، كتخرج بوحدها أوراق نقدية من 50 و 20 يورو، لقا أن المبلغ الكامل هو 980 يورو.
شد الفلوس ومشا سلمهم للبوليس وحكا ليهم على الواقعة، شكروه بزاف ومشات فرقة امنية ميدانية باش تشوف المشكل، لم تكن هناك علامات كسر على ماكينة الصراف الآلي. تم إخطار إدارة البنك، ودابا كاين تحقيقات حول العطل الغريب اللي كيظنوه ناتج عن هجوم قراصنة. أما المغربي فقدم نموذج مشرف على الإنسان المهاجر اللي عندو ضمير وأمانة في هاذ البلد الأوروبي.