وسائل إعلام إيطالية : المهاجرين المغاربة كيتفلاو على العدالة ديالنا.. غير تحكم سورسي رجع للسرقة فالبلاصة

مجموعة من المواقع والجرائد الإيطالية تناولت حادثة سرقة تورط فيها مغربي بنفس زاوية المعالجة. كيفاش مهاجرين مغاربة غير كيتحكمو سورسي كيرجعو للنشاط الإجرامي ديالهم في نهارهم.
مناسبة هاذ التغطية الإعلامية هو شاب مغربي عندو 20 عام كيعيش في وضعية غير قانونية في الطاليان وتورط في سرقة محل بمنطقة ميلانو في ليلة الثلاثاء والأربعاء ومباشرة منها تشد من طرف البوليس.
قبل هاذ السرقة تم توقيفو من أجل سرقة باقتحام كشك لبيع الزهور وسرق صندوق النقد وجهاز فك تشفير التلفزيون مع شريك قاصر. ضربوه سورسي 4 أشهر وغرامة قدرها 200 يورو. من بعدها وفي أقل من يومين تورط في السرقة. لكن هاذ المرة القضاة صادقو على قرار الاعتقال ديالو..