هذشي متعلق ب65 دولة منها المغرب. ابتداء من اليوم ما يمكن تدخل لاسبانيا حتى تدير تيست كورونا

اللي كان عوال يسافر لسبانيا خاص يرد البال، بحيث ابتداء من اليوم ولا السفر ممنوع لاسبانيا على الناس اللي كيتواجدو ف65 دولة عبر العالم، إلا يلى كانو دايرين تيست كورونا PCR مافايتش 3 أيام (72 ساعة)
وكيف كان سبق للجديرة الرسمية نشرات، فخاص التأكد من خلو المسافرين اللي جاينين من هذ الدول من فيروس كورونا، خصوصا وأنها الدول نيت اللي دايرة عليها السبليون كروة، وكتعتبرها خطرة، ومن بين هذ الدول المغرب اللي حلات معاه الحدود مؤخرا.
وكانت علنات السبليون هذي أيام، أن هذ القرار غيتطبق بصرامة فجميع نقاط الدخول للتراب الإسباني، من مطارات وموانئ
والسبيون ولات مشددة المراقبة بزاف على الموانئ والمطارات، بعدما عرفات ارتفاع كبير فحالات الإصابة بالفيروس مؤخرا.
وكان صرح وزير الصحة الإسباني، سلفادور إيلا، أن المسافرين اللي ماداروش PCR فبلادهم، غيكونو ملزمين باش يديرو اختبار الأجسام المضادة فالسبليون، وغتفرض عليهم غرامات.
وكيف سبق ل"كود" نشرات قبل، هذي هيا لاليست ديال الدول اللي برا الاتحاد الأوروبي المعنية بالتيست، وهي 37 دولة، هي: ألبانيا، أندورا، الأرجنتين، أرمينيا، أروبا، البحرين، بليز، البوسنة والهرسك، الرأس الأخضر، كولومبيا، كوستا ريكا، الإمارات العربية المتحدة، الولايات المتحدة الأمريكية، الاتحاد الروسي، وجورجيا.
كذلك كاين جبل طارق (بريطانيا)، غوام، الأردن، الكويت، لبنان، ليبيا، مقدونيا الشمالية، المغرب، مولدوفا، موناكو، الجبل الأسود، فلسطين، بنما، بولينيزيا الفرنسية (فرنسا)، بورتوريكو، المملكة المتحدة، سان مارينو، سان مارتن، صربيا، سويسرا، تونس، أوكرانيا.
بالنسبة للدول العضوة فالاتحاد الأوروبي فالأمر كيتعلق ب28 دولة هي: ألمانيا والنمسا وبلجيكا وبلغاريا والتشيك وقبرص وكرواتيا والدنمارك (باستثناء جزر فارو وجرينلاند) وسلوفينيا وإستونيا وفرنسا واليونان (باستثناء مناطق كيتري، إيونيا. نيسيا وديتيكي إلادا وستريا إلادا).
وكذلك كاينة المجر، أيرلندا، أيسلندا، إيطاليا، لاتفيا، ليتوانيا، لوكسمبورغ، مالطا، النرويج (باستثناء مناطق روغالاند، مور أوغ رومسدال، نوردلاند، فيكن، إينلانديت، فيستفولد أوغ تيليمارك، أغدر، فيستلاند، ترونديلاغ وترومس أوغ فينمارك) وهولندا وبولندا والبرتغال (باستثناء منطقة الحكم الذاتي لجزيرة الأزور) ورومانيا والسويد وليختنشتاين وسلوفاكيا.