برافو لشجاعتها. الفنانة التونسية عطية: حملت بلا زواج وقادرة نتحدى العالم على قبل بنتي

علنات المغنية التونسية، عائشة عطية، على الحمل ديالها، خارج نطاق الزواج، فصورة عبر موقع التواصل الاجتماعي "أنستكَرام"، رفقاتها بتعليق كتقول فيه "انا فالشهر الرابع.. وحكايتي مابعيداش على حكايات قبلي..."
وزادت الفنانة كتقول أنها عاشت قصة حب من طرف واحد، والطرف الآخر حبلات منو ومشا وخلاها، وماحبهاش، وماعارفاش واش ممكن يعترف ببنتها ولا لا.
وقالت أنها قادرة تعيش بنتها، اللي ختارت تسميها "مايا"، وسط المجتمع التونسي اللي مكيرحمش الأم العازبة، ولو أنها مكانتش قادرة مكانتش تعرف آشنو تدير، لكن فنفس الوقت "كتعيش قلق كبير ومخبياه"، وكتطلب من الناس باش مايديروش بحالها، ويولدو بلا وراق مع الشخص الخاطئ.
واعتبرات أنها إلى كانت ارتكبات خطأ، فشنو ذنب البنت ديالها أو أي ولد تزاد فهذ الظروف، اللي كيسميوه ولد الحرام، واللي قالت أنها عبارة كتستعمل كمعيورة، وكتكرهها بزاف.
والمغنية عطية قررات فهذ البوسط تديزاكتيفي خاصية التعليقات باش مايهجموش عليها المتخلفين بالمعيور والسبان.