التشكيلية زينب بنيس: كنعيشو فعالم كتحكمو الكراهية والعنصرية والتمييز الجنسي ورهاب المثلية -فيديو

الفنانة التشكيلية زينب بنيس حطات بوسط جديد كتدوي فيه على شنو واقع في العالم وعلى رؤيتها للأمور وكتبات بالانكَليزية رسالة طويلة رفقاتها بفيديو ديالها باش تزيد تأكد أنها كتآمن بكل حرف في كلماتها وماشي مجرد هضرة باش تجمع اللايكات.
وقالت الفنانة أننا حاليا كنعيشو في عالم كتحكمو الكراهية والعنصرية والتمييز الجنسي ورهاب المثلية وزيد وزيد، لكن كل واحد يدير لي بغا ولي كيريحو ولي كيخليه فرحان حيت الانتقاد غادي يكون دايما اللهم الواحد يدير لي يرتاح فيه.
وأكدات بنت البطلة المغربية نوال المتوكل أن كل واحد خاصو يتعلم يشوف الفوق، وميهبطش عينيه للأرض وميخليش بنادم يجرو ويهرسو. واضافت ان السعادة ديال كل واحد فيه، وقالت "خاصك تكون قاد براسك ومامعول على حد وميكونوش عندك توقعات. بني طريقك بوحدك وتعلم من النجاحات وحتى من الأخطاء".
البوسط كان فيه بزاف ديال تشجيع والكلمات الصادقة لي كتآمن بيها زينب ولي كتطبقها يوميا وهي خير مثال على الشابات القادات لي متحررات من عقدة المجتمع ومن النظرة لي تهرسهم أو تحبطهم.