المسرحي أنور الجندي مات

علنات النقابة المهنية للفنون الدرامية على وفاة المسرحي الفنان أنور الجندي، اليوم الثلاثاء، بعد صراع مع المرض.
الجندي كان ناعس فالسبيطار ميليتير فالرباط بعدما تزاد عليه الحال فهذ الأيام الأخيرة، وتماك فين توفى.
والتعرف الجندي عند المغاربة بالعطاء ديالو المتميز والمتألق فالمجال المسرحي، وهذشي من 1974 فين بدا المسيرة ديالو كممثل وكمؤلف للمسرحيات فإطار المهرجان العربي الحديث.
وكان الجندي من بين مؤسسي فرقة "مسرح الفنون" عام 1983، رفقة فاطمة بنمزيان، والأب ديالو المسرحي محمد حسن الجندي.
ومقتصرش الجندي غير على المسرح، بل دار أعمال حتى فالتلفزة والإذاعة والسينما ومسرح الطفل.