الشطاحة مايا ل"كود": خارجة ليهوم فجنابهوم وهادوك الناس اللّي بانو معاي فالفيديو كنشطح الله يعمرها دار

من البارح الأحد ونايضة الهضرة والنقاش على فيديوهات بانت فيهم الراقصة مايا مع شي وحدين فباطو كتشطح على إيقاع الشعبي. مايا هضرات معاها "كود" ورفضات تعطي الرأي ديالها على هادشي وعلى شكون اللي كاين فالفيديو.
مايا اللي مبحرة دبا اكتفت بالقول ل"كود": "أنا مايا وخارجة ليهوم فجنابهوم، والناس تمشي للبحر وتطلع للباطو وأنا لا".
وأضافت: "راه الباطو كيتكرا ومثلا يقدر 10 ديال الناس يكريوه وكول واحد يعطي 200 درهم. فين المشكل هنا؟.
الشطاحة مايا منشطين بيها البطولة في يخت
Publiée par Goud.ma sur Dimanche 16 août 2020
"كود" رجعات سولات مايا على شكون الناس اللي كانو معاها، ووضحات: "هادوك الناس الله يعمرها دار وطلعو بالمغرب وهازين المغرب وكيخدمو ومخدمين الناس".
و"كود" كانت سولات على السيد اللي معاهم فاليخت، وواش بصح هداك التراب الباطرون ديال مكتب الفوسفاط، وطلع ماشي هو گاع، بل شخص اخر كيشبهلو وصافي.