ها علاش طارو د الزبل معلق ف بوطو ف تطوان

واحد الصورة ديال لا پوبيل معلقة فبوطو ديال الضو بشكل غريب، مكيسمحش لناس يرميو فيها الزبل، اجتاحت الفايسبوك وتداولوها الناس بكثرة، معلقين على أن الشخص اللي حطها هكاك كيضحك على المواطنين.
كود سولات على الصورة ولقات أنها ملتقطة نواحي تطوان، وزاد مصدر “كود”، أنه ماشي السلطات أو الموظفين المكلفين فالجماعة هوما اللي دارو هادشي، ولكن شي شباب هوما اللي طلعوها لتماك وصوروها، بغاو باش يضحكو وهادشي خلا الصورة تنتاشر بشكل كبير بلا مايعرفو الناس قصتها.