بالفيديو. مغربية من العالقين فسبتة ماتت ليها بنتها فالمغرب ونايضة عليها فالاعلام الاسباني

مغربية من ساكنة تطوان اللي حاصلة هي وثلاثة دبناتها فسبتة، رجعات حديث وسائل الاعلام الاسبانية، وحتى فتطوان فوسائل التواصل الاجتماعي.
السيدة اللي فعمرها 45 عام، عرفات بموت بنتها لبارح السبت، هادشي اللي خلاها دير فيديو كتبكي فيه وكتطلب ملك المغرب يدخل باش يخليها تدخل تشوف بنتها قبل مايدفنوها.
كود علمت من مصادر محلية فتطوان، أن البنت اللي فعمرها 23 سنة، يالاه ولدات ولدها قريبا، وكانت يالاه تزوجات هادي شي عام، والوفاة حسب بعض معارفها كانت بسباب سكتة قلبية.
وقالت وسائل اعلام اسبانية، أن سلطات سبتة دارت تدخلات عند السلطات المغربية باش يفتحو الطريق استثنائيا لهاد السيدة تحضر جنازة بنتها.